Ishte nisur me prindërit drejt Evropës, 4-vjeçarja siriane vdes nga etja në detin e Mesdheut

Një vajzë 4-vjeçare siriane, humbi jetën nga etja në një varkë të bllokuar, prej ditësh, në mes të Mesdheut. Vajza e vogël ishte larguar nga Libani për në Evropë me prindërit dhe motrën e saj një vjeç e gjysmë. Lajmi raportohet nga mediat italiane të cilat citojnë aktivistin Nawal Soufi, i cili ishte i pranishëm në operacionin e shpëtimit.

“E qara e saj e pangushëllueshme do të kishte lëvizur edhe gurët. A e keni idenë se çfarë do të thotë për një prind të shohë një vajzë të vdesë në këtë mënyrë mizore?”, ka komentuar babai i saj, Ahmad Adbelkafi Nasif.

Familjarët, refugjatë sirianë në Liban që ëndërronin një jetë të re në Itali, ishin në një varkë me 60 persona të tjerë.

“Anija ishte në zonën Sar (Search and rescue) “Kërkim dhe shpëtim” ​​të Maltës, shpjegon aktivisti, i cili njoftoi SOS dhe autoritetet e Valettës.