Njihuni me ariun e zi “i dashuruar” pas “selfie”, bëri mbi 400 foto në kamerat e pyllit

Një ari i zi në Kolorado ka pozuar para kamerave të zbulimit të lëvizjeve, duke shkrepur qindra “selfie”.

Në një aparat fotografik, afërsisht 400 nga 580 imazhe ishin të të njëjtit ari.

Shumica e kafshëve të tjera në Hapësirën e Hapur dhe Parqet Malore (OSMP) në Boulder thjesht kalojnë pranë, duke kërkuar ushqim ose vende pushimi. Por jo ky ariu.

Kjo kafshë “pati një interes të veçantë” për kamerat, tha një zëdhënës i OSMP-së dhe shfrytëzoi “mundësinë”.

“Këto fotografi na bënë të qeshnim dhe ne menduam se do ta bënin edhe të tjerët”, tha zëdhënësi Philip Yates në një deklaratë.

OSMP postoi disa nga imazhet në Twitter dhe ylli surprizë i selfie-ve shumë shpejt ra në sy të shumë përdoruesve të mediave sociale.