Shën Valentini vjen ndryshe në Angli, shtrenjtohen çmimet e çokollatave, restoranteve dhe luleve

Dita e Shën Valentinit është ndryshe këtë vit në Britani, pasi masat shtrënguese i detyrojnë të dashuruarit ta festojnë duke ulur shpenzimet e tyre.

Pas një viti inflacioni rekord të ushqimeve, i cili ka rritur çmimet në shumë fusha: nga lulet dhe çokollatat te darkat jashtë, britanikët janë të vendosur të reduktojnë dhuratat e Ditës së Shën Valentinit, të cilat do t’ua bëjnë të dashurve të tyre.

Problemet e furnizimit në epokën e COVID dhe pushtimit të Ukrainës nga Rusia bënë ë britanikët të paguajnë 16.7% më shumë për ushqim në një muajm nga 22 dhjetori deri më 22 janar, sesa në të njëjtën periudhë mujore të vitit të kaluar, sipas firmës kërkimore Kantar. Xhepat janë bosh, kështu që shpenzimet për dhuratat e Shën Valentinit kanë rënë.

Të gjitha çmimet janë të larta

Si rezultat, darkat romantike të Ditës së Shën Valentinit kushtojnë më shumë dhe restorantet modifikojnë ofertat e tyre për të tërhequr klientët.

Sipas shifrave të fundit të Byrosë Britanike të Statistikave, një vakt apo darkë në një restorant kushtoi 9.4% më shumë në dhjetor se vitin e kaluar.

Kostot e tjera të lidhura me takimet romantike gjatë ditës, nga lulet dhe biletat e filmit te taksitë dhe kujdestarët e fëmijëve, janë rritur gjithashtu.

Ndërsa kompani të tilla si Mondelez, Nestle dhe Lindt ngritën çmimet e tyre, njerëzit shpenzuan 10.7% më shumë për cokollata.

Supermarketet e vendit po kërkojnë të përfitojnë duke mbajtur çmimet e vakteve që shesin për ditën e Shën Valentinit me shpresën për të tërhequr klientët larg restoranteve.

Për 17 €, Morrisons ka një “paketë festive” për një darkë supermarketi që përfshin një vakt, pjatë kryesore me dy pjata anësore, një pije dhe ëmbëlsirë.

Çmimi i luleve gjithashtu u rrit me 6.2% në Britani në dhjetor.

Zinxhiri i supermarketeve Tesco, shefi ekzekutiv i të cilit kohët e fundit tha se konsumatorët kanë filluar të zvogëlojnë darkat e restoranteve, ka ulur çmimin e paketës së tij të Ditës së Shën Valentinit.

Sakaq, restoranti Ritz i Londrës ka rritur çmimin e menusë së Shën Valentinit me katër pjata këtë vit, nga 367 € për person vitin e kaluar në 446 €.