Sytë nga Ohri/ Vijon takimi i përbashkët Kurti-Vuçiç me praninë e Borrell dhe Lajçak

Është duke vijuar takimi trepalësh në Ohër mes kryeministrit të Kosovës, Albin Kurti dhe presidentit serb Aleksandar Vuçiç me përfaqësuesit e Bashkimit Evropian. Shefi i Politikës së Jashtme të BE-së, Josep Borrell paraprakisht ka zhvilluar takime të ndara liderët e dy vendeve.

Në Ohër, bashkë me Borrell ndodhet edhe i dërguari i posaçëm i BE-së për dialogun Kosovë-Serbi, Miroslav Lajçak. Në agjendë të takimeve është diskutimi për zbatimin e marrëveshjes së dakordësuar në parim në takimin e mbajtur më 27 Shkurt në Bruksel.