Pacienti vdes në korridor/ Ku është ministri Mexhiti dhe drejtori Vela? (VIDEO)

Sot rreth orës 19.00 në Spitalin e Tetovës ka ndërruar jetë një qytetar nga Piroku i Tetovës. Sipas familjarëve, pacienti ka ndërruar jetë si pasojë e vonesës së mjekëve dhe nuk kanë dalur të ti ndihmojnë, raporton TS.

“Një sahat kemi prit poshtë, kemi kërku ndihmë, askush nuk dilte të na jape ndihmë. Familjari ka ra në koma para një sahati, kemi prit poshtë asnjë mjek nuk ka dal të na ndihmoje pas pak pacienti ka ndërru jetë” shprehet njëri nga familjarët, për TS.

“Pacientin e kemi gjetur në rrugë e kemi sjellë në spital gjysë ore kemi prit posht, as kolica as liftat spunojnë dhe ai vdiq” thotë me tej familjari.

Nga Spitali i Tetovës ende nuk ka ndonjë sqarim se si ka ardhur deri te vdekja e pacientit.
Andaj pyesim publikisht ministrin e Shëndetësisë Fatmir Mexhitin dhe drejtorin e Spitalit të Tetovës, Pëllumb Velën se deri kurrë do të ketë moskujdesje të tilla nga mjekët dhe sa duhet të presin tetovarët që të rregullohet lifti në Rrepartin Internistik? /TS/