Qyteti i Shkupit paralajmëroi mega-park të ri në Komunën e Çairit

Në kuadër të programit “Për Shkup modern”, Qyteti i Shkupit paralajmëroi se në bashkëpunim me Komunën e Çairit do të ndërtohet mega-park i ri, i cili do të shtrihet në hapësirën e rrugës “Brigada Maqedonase-Kosovare” nga kryqëzimi me “Brigada e Dytë Maqedonase” deri në kryqëzimin me bulevardin “Xhon Kenedi”.

“Mega-parku do të shtrihet në një sipërfaqe prej 30.000 metrash katrorë dhe do të ketë 500 pemë dhe fidanë të rinj, rrjet hidranti të ri dhe lulishte. Njëheri në park janë planifikuar dy kënde të reja sportive, dy kënde lojërash për fëmijë, dy sipërfaqe parku për kafshët shtëpiake, një për fitnes, 26 belvederë të rinj, pajisje të reja urbane, korsi për këmbësorë dhe shatërvanë”, informojnë nga Qyteti i Shkupit.

Prej aty thonë se programi “Për Shkupin Modern” do të zbatohet në tërësi që të mund qytetarët në kryeqytet të kenë hapësira të reja të gjelbëruara dhe parqe.