Uniformat e policisë edhe në shqip/ Ahmeti: Vlerë barazie që nga Marrëveshja e Ohrit, tanimë një premtim i realizuar

Kryetari i Bashkimit Demokratik për Integrim, Ali Ahmeti përmes një postimi në faqen e tij zyrtare në Facebook, shkruan se Uniformat e Policisë edhe në gjuhën shqipe janë vlerë barazie e instaluar nga Marrëveshja e Ohrit.

Ahmeti ndër të tjera ka përgëzuar të gjitha institucionet për vendosjen e këtij dekreti në praktikë.

Statusi i plotë:

Një tjetër premtim i realizuar, reflektim praktik i vlerës së instaluar të barazisë përmes Marrëveshjes së Ohrit.

Në uniformat e shërbimeve policore të vendit dhe në simbolet e tyre tashmë qëndron edhe gjuha shqipe konform dispozitave të Ligjit për përdorimin e gjuhëve.

Përgëzoj Qeverinë dhe Ministrinë e Punëve të Brendshme të vendit për rrumbullakësimin me sukses të të gjitha procedurave administrativo – ligjore dhe vendosjen në praktikë të ndryshimeve të Dekretit të miratuara më parë.