66-vjeçari tentoi të bëhej drejtor në Kërçovë me certifikatë të falsifikuar

Një burrë nga fshati Kolibarë i Kërçovës ka aplikuar për punësim si drejtor në një konvikt, me certifikatë të falsifikuar të gjuhës angleze. Për burrin 66-vjeçar MPB ka parashtruar kallëzim penal për falsifikim.

“I raportuari, gjatë vitit 2019 ka marrë certifikatë të falsifikuar të njohjes së gjuhës angleze me qëllim që të punësohet si drejtor në një konvikti shtetëror. Certifikatën e kishte të verifikuar në noter në Kërçovë, pas çka e kishte dorëzuar gjatë aplikimit për punësim si drejtor në konviktin e studentëve”, thonë nga MPB.