E trishtë: Vajza me të meta psikike në Kosovë mbetet shtatzënë nga dhu*nimi

Numri i rasteve të keqtrajtimit seksual në Kosovë ka marrë përmasa shqetësuese. Ngjarje të tilla po cenojnë sigurinë e vajzave dhe grave, të cilat po ngacmohen, sulmohen e dhunohen seksualisht. Ka pasur shumë raste kur si pasojë e keqpërdorimit seksual, viktimat kanë mbetur shtatzënë. Edhe më shqetësues mbetet fakti kur viktimat janë me të meta mendore, situatë kjo që shfrytëzohet nga burrat e dyshuar, raporton Gazeta Sinjali.

Një rast i tillë dhe mjaft i trishtë ka ndodhur edhe së fundmi në Ferizaj, ku një vajzë, dyshohet se është dhunuar dhe për pasojë tashmë është shtatzënë. Gjithçka u zbuluar pasi viktima është dërguar në QKUK për të lindur. Burimet nga Emergjenca kanë bërë me dije se viktima është pranuar në Klinikën e Gjinekologjisë, pasi nëna e saj e dërgoi në këtë qendër, nën dyshimet se e bija ishte shtatzënë, gjendje kjo që e kishte vënë re javët e fundit.

Siç mëson Sinjali, personi apo personat që dyshohet se e kanë dhunuar seksualisht viktimën, e kanë shfrytëzuar paaftësinë e saj psikike, duke e keqtrajtuar seksualisht.