Aksident i rëndë në Fshaj të Gjakovës, vdes një grua e lëndohen tre të tjerë

Një grua e moshës 71-vjeçare ka mbetur e vdekur si pasojë e një aksidenti të ndodhur në rrugën Gjakovë – Prizren, konkretisht në fshatin Fshaj.

Lajmin e ka konfirmuar zëdhënësi i policisë për rajonin e Gjakovës, Shermet Elezaj.

“Rreth orë 13:15 në fshatin Fshaj në rrugën Gjakovë – Prizren ka ndodhur një aksident trafiku mes një veture e kamioni, ku janë lënduar katër persona, e një prej tyre ka ndërruar jetë”, është shprehur Elezaj.

Ai tha se vdekja e viktimës është konstatuar në Spitalin e Gjakovës.