Serbët protestojnë edhe sot në veri

Serbët do të protestojnë edhe sot në Zubin Potok, Leposaviq dhe Zveçan.

Ata kanë paralajmëruar se protesta sot do të jetë më masive.

Dita e marte ishte kryesisht e qetë, por u karakterizua me disa raste të sulmeve ndaj gazetarëve.

Ata po ashtu u penguan edhe gjatë raportimit.

Forcat e KFOR-it dhe të Policisë po vazhdojnë të kujdesen për renditn dhe qetësinë.

Ata po qëndrojnë pranë dhe brenda ndërtesave të këtyre komunave.

Protestat kanë nisur nga e premtja e kaluar, teksa situata më e tensionuar u paraqit të hënën.

Protestuesit serbë u përleshën me ushtarët e KFOR-it.

30 ushtarë u lënduan, teksa tre nga ta të kontigjentit hungarez u plagosën me armë zjarri.