“Pagova 4000 mijë euro për të bërë dhëmbët në Turqi, tani dukem si peshkaqen”

Një model britanik pretendon se duket si një ‘peshkaqen’ pasi fluturoi në Turqi për të bërë dhëmbët.

Jack James, nga Mançesteri donte të rregullonte dhëmbët e shtrembër në mënyrë që të dukej ‘më mirë në kamera’.

Por në pamundësi për të përballuar kostot në Mbretërinë e Bashkuar, 22-vjeçari i dëshpëruar shpenzoi 4,000 euro për të marrë fasetat në Stamboll shtatorin e kaluar.

Pas kthimit në MB, James fillimisht ishte i kënaqur me rezultatet dhe u mburr se ato ‘dukeshin mirë’.

Megjithatë, në maj, ai papritmas përjetoi gjakderdhje të mishrave të dhëmbëve dhe ‘frymëmarrje të tmerrshme’. Ai gjithashtu pretendon se goja e tij filloi të ‘qelbte dhe t’i rrjedhte’.

Një takim urgjent me dentistin në Mançester konfirmoi se ai kishte një infeksion, në formën e një abscesi.

James pretendon se dentisti i tij tha se do të kushtonte deri në 25,000 euro për t’u rregulluar.

Duke përshkruar përvojën e tij të tmerrshme, ai tha se pas ndërhyrjes në Turqi dhe kur hoqi fasatat ishin reduktuar dhëmbët shumë.

“Unë dukesha si një peshkaqen. Ishte si diçka nga një film horror.’

I pasigurt se çfarë të bënte, zoti James kontaktoi klinikën në Turqi për ndihmë, megjithatë ‘ata ishin të bindur se nuk ishte faji i tyre’, tha ai.

Ai shtoi: “Ata thanë se duhet të paguaj përsëri për t’i rregulluar ato.”

Atij i është thënë se duhet të paguante 5 euro, nga e njëjta klinikë – një e katërta e çmimit që i është kërkuar në Britaninë e Madhe. Ai vendosi të kthehej në Stamboll këtë muaj për të hequr fasetat. Atij iu dha një grup i ri.

“Më hoqën të gjithë dhëmbët dhe abscesin dhe futën dhëmbë të përkohshëm”.

Një nga fasetat e reja të zotit James – një mbulesë prej porcelani që përshtatet mbi një dhëmb – tashmë i ka rënë, duke e lënë atë me një boshllëk në dhëmbët e tij.

Zoti James tani po paralajmëron të tjerët që të bëjnë kërkimet e tyre përpara se të shkojnë jashtë vendit për trajtime stomatologjike.

“Ndihem shumë i mërzitur me veten. Më vjen të shkul të gjithë dhëmbët’. /Liberale.al/