Pamje si nëpër filma, Njësia Speciale e Kosovës teksa arrestoi serbin e veriut, Millun Millenkoviq

Policia e Kosovës ka arrestuar Milun Milenkoviq, i njohur si Llune, e që është njëri nga organizatorët kryesorë të sulmeve ndaj pjesëtarëve të KFOR-it gjatë tensionimit të situatës në komunat në veri të vendit.

Disa pamje të publikuara në Twitter tregojnë njësinë speciale duke arrestuar një person.

Ndërsa, Ministri i Punëve të Brendshme, Xhelal Sveçla e ka konfirmuar arrestimin.

Ndërkaq, mediat serbe kanë raportuar se pas kësaj, qytetarët serbë kanë sulmuar veturën e policisë së Kosovës me gurë dhe mjete të tjera.