Kurti nuk pranoi të takohenin, Rama: Nuk mund ta interpretoj qëndrimin e tij, pyesni Albinin

Kryeministri Edi Rama ndodhet ditën e sotme në Kosovë në kuadër të turit të tij Ballkanik.

Rama u prit nga presidentja e Kosovës, Vjosa Osmani me të cilën ka zhvilluar edhe një takim.

Në një intervistë për Klan Kosova mbrëmjen e sotme Rama ka komentuar Procesin e Berlinit dhe samitin e NATO-s.

“Është shumë e rëndësishme që në përgatitjen e këtij samiti të ndërtojmë një pozicion të përbashkët dhe për të formëzuar një qëndrim të përbashkët. Procesi i Berlinit udhqëhiqet nga Gjermani dhe e dimë shumë mirë se çfarë roli ka Gjermania në BE. Kosova ka nevojë sot më shumë se kurrë për të folur konkretisht për atë që duhet të jetë e ardhmja jonë e përbashkët. Nga ana tjetër ka një samit të NATO-s dhe në NATO është e pashmangshme që të trajtohet dhe kjo temë e befasishme por reale dhe konkrete që vjen si një temë e kërcënimit të sigurisë si pasojë e atyre gjërave që po ndodhin në veriun e Kosovës. Ne kemi marrë përsipër të përgatisim një raport për gjithë anëtarët e NATO-s.”, tha Rama.
Kryeministri i Kosovës, Albin Kurti nuk pranoi të takonte kryeministrin e Shqipërisë. Lidhur me këtë Rama tha se nuk mund ta interpretojë qëndrimin e tij.

“Për këtë duhet të pyesni Albinin, nuk mund të interpreton qëndrimin e tij. Gjëja më e rëndësishme sot është që njerëzit takohen, të flasin, për më tëpër kur kanë qëndrime të ndryshme. Duke u takuar dhe duke folur mbase kuptojnë më mirë qëndrimin e njëri-tjetrit. Unë jam përpjekur të komunikoj por ka qenë e vështirë.”, u shpreh Rama.

Gjithashtu Rama tha se nuk ka shkuar në Kosovë të bëjë takim me ndonjë interes të posaçëm politik. Ai shtoi se ndodhet në Kosovë për një Proces (ai i Berlinit) ku çdo vend është i interesuar të marrë pjesë.