Rama, thirrje BE-së: S’mund të lejojmë që veriu i Kosovës të bëhet një Donbas i vogël

Kryeministri i Shqipërisë, Edi Rama, i ka bërë thirrje Bashkimit Evropian që të veprojë me vendosmëri për të siguruar një zbatim të shpejtë të Marrëveshjes Bazë të arritur ndërmjet Kosovës dhe Serbisë.

Në llogarinë e tij në Twitter, ai ka thënë se nuk mund të lejohet që veriu i Kosovës, të bëhet një Donbas i vogël, raporton Klan Kosova.

“BE-ja duhet të veprojë me vendosmëri për të siguruar një zbatim të shpejtë të Marrëveshjes Bazë. Rajoni ynë nuk mund të bëhet peng i një krize të pafund mes Kosovës dhe Serbisë. Nuk mund të lejojmë që as veriu i Kosovës, ku kufiri mes krimit të organizuar dhe politikës vendore është i paqartë, të bëhet një Donbas i vogël nga mosngritjet e nxitura nga Rusia dhe as dialogu të bëhet një lojë fajësimi të Ballkanit të Vjetër, nga mungesa e një vullneti real dhe të fortë të palëve të përfshira në të”, ka shkruar Rama.