Osmani në bisedë telefonike me ministrat e Punëve të Jashtme të Armenisë dhe Azerbajxhanit

Osmani në bisedë telefonike me ministrat e Punëve të Jashtme të Armenisë dhe Azerbajxhanit: Stabilizimi i situatës në të mirë të popullatës lokale rreth korridorit të Laçinit

Ministri i Punëve të Jashtme dhe kryetar i OSBE-së, Bujar Osmani, sot, menjëherë pas mbërritjes në Astana, që është pjesë e turneut të tij në Azinë Qendrore, për shkak të ndjeshmërisë që po ndodh në korridorin e Laçinit dhe nevojës për një reagim të menjëhershëm. , zhvilloi dy biseda të veçanta telefonike me ministrat e Punëve të Jashtme të Azerbajxhanit dhe Armenisë, Jeyhun Bayramov dhe Ararat Mirzoyan.

Ministri Osmani shprehu shqetësimin e tij për situatën rreth korridorit të Laçinit dhe ndikimin në popullatën civile, veçanërisht grupet e cenueshme, përfshirë gratë dhe fëmijët. Në të njëjtën kohë, Osmani theksoi se është duke e monitoruar nga afër situatën në Korridorin e Laçinit dhe përsëriti thirrjen e tij për dialog konstruktiv dhe produktiv si rrugë për zgjidhje të qëndrueshme, në të mirë të popullatës vendase.

Kryetari Osmani theksoi se duhet të mbizotërojnë aspektet humanitare dhe nevojat imediate të qytetarëve. Ai thekson gjithashtu nevojën e përdorimit të mekanizmave të OSBE-së dhe masave të duhura si pjesë e zgjidhjeve për normalizimin e marrëdhënieve dhe ndërtimin e besimit midis Armenisë dhe Azerbajxhanit.

Kryetari i OSBE-së Osmani konfirmoi gatishmërinë e tij për të vazhduar angazhimin personal, aktiv me palët dhe në këtë drejtim përsëriti se Maqedonia e Veriut është e gatshme të ofrojë platformë për dialog, duke shtuar përpjekjet dhe zgjidhjet e mundshme për paqe të qëndrueshme.