Përfundon seanca ndaj të dyshuarve në rastin “Bon Vivant”

Ka përfunduar seanca ndaj të dyshuarve në rastin “Bon Vivant”.

Gjykata Themelore e Prishtinës, brenda 48 orëve pritet të marrë vendim për caktimin e masës.

Kështu tha për Klankosova.tv Fanol Krasniqi, avokat i Andi Pajazitit, i njohur si “Italiani”.

“Nuk ka vendim. Presim që nesër ose pasnesër të merret vendimi”, tha Krasniqi për Klankosova.tv

Krasniqi ndër të tjera tha se klienti i tij do t’i nënshtrohet edhe një operimi.

“Z. Andi Pajaziti, i është nënshtruar një operimi në natën kritike. Ai pritet t’i nënshtrohet edhe një operimi në krahrorin e majtë. Gjendja e tij është stabile. Më pas të shohim se cila është procedura e ardhshme”, tha ai për Klankosova.tv

Të premten në Prishtinë në lokalin “Bon Vivant”, ka ndodhur një incident ku ka mbetur i vdekur një person dhe 17 të tjerë janë plagosur.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.