Reduktimi i efektivëve në Veri, reagon Lajçak

I dërguari i BE për dialgoun Kosovë-Serbi, Miroslav Lajcak ka reaguar pas njoftimit nga Policia e Kosovës për reduktimin e efektivëve në Veri.

Lajçak e ka mirëpritur vlerësimin e parë të përbashkët të sotëm të sigurisë ndërmjet Policisë së Kosovës, EULEX dhe KFOR, sipas marrëveshjes së 10 korrikut në Bratislave.

Ai thotë se ky është një hap i rëndësishëm drejt shtensionimit të plotë të situatës në Veri të Kosovës.

”E mirëpres vlerësimin e parë të përbashkët të sotëm të sigurisë ndërmjet Policisë së Kosovës, EULEX dhe KFOR siç është rënë dakord në Bratislavë. Ky është një hap i rëndësishëm drejt shtensionimit të plotë të situatës në veri të Kosovës”, ka shkruaj Lajçak në Twitter.

Dje u njoftua se duke filluar nga dita e premte, do të fillojë zvogëlimi i numrit të efeketivëve të Policisë së Kosovës me 25%, në objektet komunale në Veri.

Gjithashtu, Forcat e Policisë kosovare bashkë me EULEX dhe KFOR do të vijojnë koordinimin dhe do të marrin masat e nevojshme për të siguruar mjedis të qetë përreth objektve komunale në Veri të Kosovës.