Sveçla falënderon SHBA-në për donacionin prej 250 kamerave trupore për Policinë e Kosovës
Ministri i Brendshëm Xhelal Sveçla ka falënderuar ambasadorin amerikan Jeff Hovenier, pas donacionit prej 250 kamerave trupore për Policinë e Kosovës.
Kisha kënaqësinë të pres sot në takim Ambasadorin e Shteteve të Bashkuara të Amerikës Jeffrey Hovenier.
“Pas nënshkrimit dhe pranimit zyrtarisht donacionit prej 250 kamerave trupore nga Ambasada Amerikane për Policinë e Kosovës, pata rastin të falënderoj përzemërsisht Ambasadorin Hovenier për mbështetjen e vazhdueshme për institucionet e Republikës së Kosovës”, tha ministri.
Sveçla shtoi se gjatë takimi është biseduar edhe për situatën e përgjithshme të sigurisë, për projektet e përbashkëta.
“Biseduam për situatën e përgjithshme të sigurisë, për projektet e përbashkëta që kemi në proces me Shtetet e Bashkuara të Amerikës si dhe për angazhimet e mëtutjeshme në fushat që janë në interes të të dyja palëve”, shkroi ministri në Facebook.
