Lëvizja Ilirida në Gostivar takim me përfaqësues të OSBE-së
Në selinë e Lëvizjes Ilirida në Gostivar ditë më parë u realizua një takim shumë i rëndësishëm me përfaqësuesin e Misionit të OSBE-së z. Alexander Devetzidis.
“Nga bisedat e këtij takimi shumë miqësor u vuan në theks arritjet e Lëvizjes Ilirida, si dhe mënyrat për të gjetur rrugëzgjidhje të përshtatshme deri në kapërcimin e pengesave antiligjore dhe inateve tash më të njohura, për të penguar funksionimin legal të këtij subjekti politik. Në këtë takim vlerësuam objektivisht z. Devetzidis, i cili mori shënime mbi shqetësimet tona, që kanë të bëjnë mbi pengesat për regjistrimin e këtij subjekti politik. Lëvizja Ilirida i është përkushtuar në mënyrë të mërfilltë procedurave për themelimin e një partie. Sipas Ligjit për Partitë politike (Gazeta Zyrtare e Maqedonisë së Veriut, nr.76/2004, 8/2007, 5/2008 dhe 23/2013), procedurat për regjistrimin e një partie politike kërkohen të dhënat, ku ne si Lëvizje Ilirida i kemi plotësuar
në Kuvendin Themelues.
Andaj jemi të shtrënguar të njoftojmë anëtarësinë, simpatizuesit dhe të gjithë mbështetësit e këtij subjekti politik, se aspak nuk është kontestues as Emri i subjektit, as Flamuri e as simbolet tjera, as edhe Programi e as Statuti i partisë. Kontestuese është vetë gjykata sepse kërkon diçka që është jashtë ligjit, pra në procedurën për themelim kërkohet siç vijon;
Emrat personalë të vetë deklaruesve (qytetarëve) që kan dhën nënshkrimin (firmën) në noter që e mbështesin kët subjekt politikë – LI, për të cilët kërkohet Origjinali ose fotokopje të certifikatave të shtetësisë të vërtetuara nga noteri, kët e kemi fatkeqësisht pengesë nga gjykata themelore e tyre të jashtëligjshme, konsideron se fletë deklaruesit që janë më së paku Një mijë (1000), pos letërnjoftimeve të vërtetuara nga noteri, të kenë edhe certifikatë të shtetësisë, e cila bie ndesh me dispozitat për themelimin e një partie politike. Ne si kryesi për mes avokatit kemi kërkuar si nga gjykata themelore, ashtu edhe nga gjyqi i Apelit në Shkup, të deklarohen rreth konceptit deklarues (qytetar) dhe atij themelues.
Vërejtja jonë është se certifikatat të shtetësisë i duhen vetëm themeluesve e jo deklaruesve.
Nga ky këndvështrim kryesia konsideron se këto metoda të interpretimit të njëanshëm të ligjit, nuk tregojnë asgjë më shumë se prepotencë e arrogancë, por edhe papërgjegjësi në ushtrimin e detyrës ligjore për të vënë drejtësi.
Ne e vejmë në dijeni gjithë dikasterin për drejtësi, por edhe mbarë opinionin e brendshëm e atë ndërkombëtar dhe mjetet e informimit, se Lëvizja Ilirida është e mbështetur në realitetin shqiptar dhe të gjithë ato që përpiqen të frenojnë apo sabotojnë këtë subjekt politik do të mbesin një njollë e zezë në historinë e përpjekjeve të jetës së lirë dhe demokracisë në vend”, thuhet në njoftimin e prezantuar nga Sekretari i këtij subjekti, Nexhat Mustafa.