Kovaçevski: Takimi i liderëve, i panevojshëm

Qëndrimin e VMRO-DPMNE-së se është i nevojshëm një takim liderësh, sepse vendi po përballet me dy procese kyçe zgjedhore ose në të kundërtën mund të kemi krizë kushtetuese, kryeministri, Dimitar Kovaçevski, e cilëson si të pabazë pasi që deri te kriza mund të vijë vetëm nëse nuk respektohen afatet e parapara me Kushtetutë.

Ai thotë se një takim liderësh Tet-a Tet, është panevojshme sepse për fatin e një sistemi të tërë parlamentar nuk mund të vendosin dy persona. Ripërsërit se për opozitën vazhdon të vlejë oferta e njëjtë që është propozuar në takimin e fundit të liderëve.

“Dy persona nuk mund të ulen dhe të dërgojnë një sistem të tërë ligjor në vend, një sistem të tërë parlamentar, vetëm sepse ata dy kanë rënë dakord për diçka. Kryetari i Kuvendit i ka të gjitha ingerencat. Ne kemi diskutuar lidhur me atë se cilat janë proceset kryesore për shtetin dhe i parë është integrimi i vendit në BE. Hulumtimet e vazhdueshme të opinionit publik tregojnë se 70% e qytetarëve duan të hyjmë në BE. Me 7 korrik i treguam qëndrimet tona, nëse opozita i mbështet ndryshimet, të njëjtën ditë mund të shkojmë në zgjedhje. E dyta, nëse opozita mbështet hapjen e procesit të ndryshimeve kushtetuese, mund të kemi Qeveri të përbashkët që do të mbaroj skriningun dhe do i hap kapitujt, do t’i mbyllim dy dhe më pas mund të shkojmë në zgjedhje presidenciale dhe parlamentare.”, – deklaroi kryeministri, Dimitar Kovaçevski.