Ambasadorja izraelite për heqjen e vizave: Qytetarët do të njoftohen sapo vendimi të hyjë në fuqi

Tammy Ziv, ambasadore e Izraelit në Kosovë, u deklarua rreth marrëveshjes për heqjen e vizave për kosovarët.

Ambasadorja Ziv, shkruan në “X”, se qytetarët do të njoftohen me kohë sapo vendimi të hyjë në fuqi.

E njëjta shton, se ministritë përkatëse do të vazhdojnë procedurat e nënshkrimit për këtë marrëveshje.

“Më pak se tri vjet pas vendosjes së marrëdhënieve mes dy vendeve tona, Qeveria e Shtetit të Izraelit ka vendosur të miratojë marrëveshjen për heqjen e vizave për shtetasit e Republikës së Kosovës. Të dyja ministritë përkatëse do të vazhdojnë procedurat e nënshkrimit dhe qytetarët do të njoftohen sapo vendimi të hyjë në fuqi. Shpresoj që ky moment historik i veçantë në marrëdhëniet tona dypalëshe do të nxisë më tej bashkëpunimin në rritje midis vendeve tona dhe do t’i afrojë qytetarët tanë”, është shprehur ajo, transmeton Express.

Less than three years after the establishment of relations between our two countries, the Government of the State of #Israel has decided to approve the visa waiver agreement for the nationals of the Republic of #Kosova.

Both relevant ministries will continue the signing… pic.twitter.com/xqCwp9rjaP

— Tammy Ziv 🇮🇱 (@AmbTammyZiv) January 29, 2024