Ushtronte dhunë dhe kanoste me jetë bashkëshorten e fëmijët, arrestohet 50-vjeçari në Tiranë

Një tjetër ngjarje kriminale është parandaluar në Tiranë, brenda orëve të fundit.

Një 50-vjeçar është arrestuar pasi në mënyrë të vazhdueshme ushtronte dhunë ndaj bashkëshortes dhe fëmijëve të tyre dhe i kanoste ato me jetë.

Pas informacioneve, se një shtetas në Shkozë po kanoste me mjet prerës, bashkëshorten e tij, se do ta vriste, menjëherë policia është angazhuar për parandalimin e ngjarjes së mundshme kriminale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.