E zbulon analisti, ja për kë e kishte fjalën Enver Petrovci (VIDEO)

Lirim Gashi gjatë lidhjes direkte në emisionin Kosova Today – Klan Kosova

Aktori Enver Petrovci ka folur me përçmim për ish-udhëheqësit e UÇK-së, duke thënë se “pa luftë këta kurrkushi s’kishin qenë, mësues e bodyguarda”, teksa ka lavdëruar kryeministrin Albin Kurti.

E analisti Lirim Gashi vlerëson se aktori për këtë deklaratë e ka pasur fjalën për Ramush Haradinaj, meqë siç u shpreh për emisionin Kosova Today, bodyguard në Zvicër ka punuar Haradinaj.

Megjithatë ai shtoi se Petrovci nuk i takon asnjë partie politike, është artist dhe se artistët shpesh flasin nga zemra e nga emocioni

“Unë nuk besoj që ka qenë diçka e planifikuar, dhe nuk besoj që ai e ka paraparë se çfarë orteku të reaksioneve do të shkaktohen”.

“Deklarimet e tij nuk qëndrojnë, sepse çdo person që ka lindur në këtë botë nuk qëndrojnë në tërësi, por ka diçka të vërtetë, d.m.th nuk mund t’i trajtojmë gjërat bardhë e zi. Besoj që është mirë që partitë politike më tepër të merren me çështjen se sa me personin Enver Petrovci”, deklaroi Gashi.