Tre fëmijë të plagosur nga të shtënat në një shkollë fillore në Finlandë

Tre fëmijë të plagosur nga të shtënat në një shkollë fillore në Finlandë

Tre fëmijë raportohet të jenë plagosur nga të shtënat në një shkollë fillore në Finlandë.

Sipas mediave të huaja, ngjarja ka ndodhur herët të martën, dhe një i dyshuar, i cili ishte gjithashtu i mitur, u kap më vonë, tha policia finlandeze.

Të plagosurit u dërguan në spital, tha një zëdhënës i policisë për Reuters.

Të shtënat ndodhën në shkollën Viertola në Vantaa, një periferi e kryeqytetit Helsinki.

Shkolla thuhet se ka rreth 800 nxënës nga klasa e parë deri në të nëntën dhe një staf prej rreth 90 personash, sipas bashkisë lokale.

“Rreziku i menjëhershëm ka kaluar”, tha drejtori i shkollës Viertola, Sari Laasila për Reuters, duke refuzuar të komentojë më tej incidentin.

Ne përdorim cookies për të përmirësuar përvojën tuaj dhe për të analizuar trafikun në faqe. Duke vazhduar përdorimin e faqes, ju pranoni përdorimin e cookies sipas Politikës së Privatësisë. Pranoj Me shume