Milani e mbyll sezonin me barazim ndaj ekipit të fundit

AC Milan e ka përmbyllur sezonin 2023/24 në Serie A me barazim.

Kuqezinjtë barazuan 3:3 me ekipin e fundit në tabelë, Salernitanan në xhiron e fundit të edicionit në elitën e futbollit italian.

Leao dhe Giroud shënuan dy gola të shpejtë për epërsinë e dyfishtë të vendasve, me të cilën u mbyll pjesa e parë.

Simy ngushtoi epërsinë në minutën e 64-të, para se Calabria të shënonte për 3:1.

E Sambia e Simy në momentet e fundit shënuan dy gola për barazimin.

Kësisoj, Milan e mbyll sezonin me 75 pikë në vendin e dytë në renditjen tabelare.

Në anën tjetër, Salernitana e mbyll sezonin në pozitën e fundit me 17 pikë dhe në edicionin e ardhshëm do të garojë në Serie B.