Sërish dhunë në futbollin grek

Trajneri i AEK Athinës, Matias Almeyda u përfshi në një përleshje të ashpër pasi skuadra e tij u mund në derbi ndaj PAOK. AEK u mund 3-2 në një ndeshje me mjaft rëndësi në garën për titullin kampion. Kjo ishte arsyeja që situata u tensionua më pas.

Almeyda u pa mjaft i acaruar ndërsa disa persona tentuan që ta ndalnin atë. 50-vjeçari shtyu futbollistin e tij, Sergio Araujo, si edhe një zëvendësues dhe më pas vazhdoi të përballej me një numër njerëzish, duke detyruar policinë të ndërhynte.

Lojtari i PAOK, Tajson si edhe disa anëtarë të tjerë të stafit teknik të AEK, u përpoqën që ta ndalnin atë, por nuk ia dolën pasi ai u largua dhe kapi një person tjetër nga qafa. Në vazhdim, tekniku u largua nga përplasja dhe tensioni u ul.

Sipas mediave greke, personi që 50-vjeçari kapi nga fyti ishte një zyrtar që punonte për Drejtorinë e Parandalimit të Dhunës Sportive. Pas takimit, Almeida tha se kishte kërkuar falje për këtë sjellje.