Izraeli: Njohja e shtetit palestinez është penguar në BE

Ministri i Jashtëm izraelit, Israel Katz thotë se një vendim për të njohur një shtet palestinez u parandalua në takimin e djeshëm të BE-së përmes “përpjekjeve dhe bashkëpunimit të përbashkët, [dhe] me mbështetjen e miqve tanë në BE”.

“Shpallja e një shteti palestinez pas masakrës së 7 tetorit është një shpërblim për Iranin dhe Hamasin dhe dëshmi se vrasja, përdhunimi, përdhosja e trupave dhe djegia e foshnjave shpërblehen”, shkroi Katz në X.

“Ne do të vazhdojmë të punojmë për t’i siguruar Izraelit një ‘kupolë të hekurt diplomatik’ derisa të lirohen të gjithë pengjet dhe Hamasi të çrrënjoset.”