“U hodh në ujë nga një varkë”, një person u mbyt në liqenin e Dojranit

Mëngjesin e sotëm, respektivisht rreth orës 10:10 në Sektorin për Punë të Brendshme në Strumicë është raportuar se në Liqenin e Dojranit është mbytur një person. Sipas informacioneve nga policia, personi është hedhur në ujë nga një varkë, ka notuar disa metra, ndërsa më pas është mbytur.

“Nëpunës policor nga DPB Gjevgjeli janë në vendin e ngjarjes. Është njoftuar edhe prokurori publik nga Prokuroria Themelore Publike Veles, ndërsa janë thirrur ekipe zhytëse për gjetjen e personit”, njoftuan nga SPB Strumicë.