29 vjet nga Operacioni “Stuhia”, Kroacia përkujton fundin e luftës kundër Serbisë

Parada ushtarake janë zhvilluar në Kroaci për të shënuar 29-vjetorin e betejës së fundit madhore të Luftës Kroate për Pavarësi.

Operacioni “Stuhia”, i vitit 1995 ishte një moment kyç në luftën e Kroacisë me Bosnjën dhe që çoi në rikuperimin e një pjese të territoret nga forcat rebele serbe.

Eventi përkujtohet çdo vit dhe këtë herë u shoqërua nga fjalime të liderëve kroatë, një paradë ushtarake dhe një fluturim i avionëve luftarakë të blerë së fundmi nga Franca.

Kryeministri Andrej Plenković përshëndeti përvjetorin duke e cilësuar si një festim të lirisë.

“Jemi mbledhur këtu sot për të festuar për lirinë tonë. Për të kujtuar operacionin e mrekullueshëm “Stuhia”. T’i kujtojmë vetes sonë vendosmërinë e luftëtarëve kroatë dhe atyre që bënë të mundur që ne të jetojmë në një Kroaci të lirë e demokratike. Gjeneratat kroate e ëndërruan këtë moment dhe sot ai është përgjegjësia jonë”, tha Plenkoviç.

Por për Serbinë, ky përvjetor është një kujtim i zymtë i një ngjarjeje që ajo e konsideron krim lufte që çoi në eksodin masiv të serbëve nga Kroacia.

Çdo vit, mijëra serbë, përfshirë familjarë të viktimave, mbajnë një ceremoni përkujtimore për përvjetorin.