Frekuencë e shtuar e automjeteve në vendkalimin kufitar Tabanoc për dalje dhe hyrje në vend

Në vendkalimin kufitar Tabanoc ka rritje të frekuencës së automjeteve për dalje dhe hyrje në vend, ndërsa në vendkalimet tjera kufitare,nga ana e Maqedonisë së Veriut, nuk ka ndalesa më të gjata, kumtoi LAMM.

Komunikacioni në rrugët tjera shtetërore po zhvillohet pa pengesa, nëpër rrugë të thata. Intensiteti i komunikacionit në akset rrugore jashtë mjediseve urbane është rritur.

Rekomandohet shpejtësi e përshtatur e lëvizjes, respektim i sinjaleve të vendosura të komunikacionit, drejtim i kujdesshëm i automjeteve, posaçërisht në rrugët nëpër gryka malore, ku ekziston mundësia për rrëshqitje të dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.