Lideri i vrarë i Hamasit, varroset në Katar

Lideri i vrarë i Hamasit, Ismail Haniyeh është varrosur në Katar.

Kjo ndodhi në qytetin Lusail pas një ceremonie funerali në xhaminë Iman Mohamed Ibn Abd Al Wahhab në veri të kryeqytetit të Katarit, Doha.

Arkivoli i tij ishte mbështjellë me flamurin palestinez dhe ai u transportua në një procesion para qindra njerëzve së bashku me arkivolin e truprojës së tij, i cili u vra në të njëjtin sulm në Teheran, raporton Sky News.