100 ditë qeverisje, Fetai: VLEN-i ishte mrekullia e shumëpritur për dy dekada me radhë
VLEN-i ishte mrekullia e shumëpritur për dy dekada me radhë. Guximi ishte motoja e këtij koalicioni. Ndryshimi është kryefjala e asaj që e bëmë të gjithë së bashku! Ia ka vlejt!
Motra dhe vëllezër,�Zonja dhe zotërinj,
Sot, jemi mbledhur, bashkë, për të shënuar një kapitull të ri në historinë tonë si popull. Një kapitull i ri, pas më shumë se 20 vjet krim e korrupsion, 20 vjet gënjeshtra e mashtrim, 20 vjet vjedhje të parave tuaja dhe pasurim të një klike të vogël profiterash, të shndërruar shumë shpejt në milionera.
Siç ka thënë i madhi Nelson Mandela, “Kurrë nuk mund të kesh ndikim në shoqëri nëse nuk e ke ndryshuar veten… Politikanët e mëdhenj janë të gjithë njerëz me integritet, nder, por edhe me përulësi.” Kjo është më shumë se një thënie, ky është betimi dhe zotimi ynë i përbashkët për të transformuar këtë vend.
Sepse ndryshimi nuk guxon të jetë vetëm ndërrim. VLEN asnjëherë nuk guxon të shihet si ndërrim i BDI-së, sepse VLEN është revolta e krijuar ndër vite, por deri tani asnjëherë e kanalizuar, për ta sjellë ndryshimin për shqiptarët e këtij vendi.
VLEN nuk guxon të bëhet dhe nuk do të bëhet kurrë BDI. Kjo mundësi që na është dhënë nga shqiptarët është amanet. Dhe ne amanetin nuk e shkelim, as nuk e shesim!
Me ardhjen tonë të pushtet, sfidat që i kemi hasur kanë qenë të hatashme. Kemi gjetur një buxhet të masakruar dhe të harxhuar në shkallë prej 71% për qëllime elektorale dhe pasurim klanor dhe individual. Kemi trashëguar një sistem të stërvjetëruar dhe të kapluar nga epidemia e korrupsionit, që punon kundër interesave të qytetarëve por që me doemos duhet çkapur nga ata që tanimë janë larguar me votë nga shqiptarët.
Me zell e durim, edhe përkundër përpjekjeve destabilizuese dhe propagandës së përditshme nga regjimi i vjetër, në këto 100 ditë, ne i kemi menjanuar këto pengesa. Ne nuk dorëzohemi para presionit të të korruptuarve dhe makinerisë së tyre të fake news-it. Ne kemi bërë shumë punë të mira në dobi të shqiptarëve dhe çdo qytetari të këtij vendi.
Të nderuar,
Edhe përkundër gjendjes katastrofale në të cilën ata na i lanë institucionet dhe buxhetin, më lejoni që me përulësinë më të madhe, t’i numëroj disa gjëra që i kemi arritur si qeveri për këto 100 ditë.
– Me një investim prej 100 milion eurosh në komuna deri nëfund të vitit, do të shndërrojmë vendbanimet tona në lagje të jetueshme, që ofrojnë kushte më të mira për secilin prej nesh.
– I kemi rritur pensionet për 5,000 denarë, hap ky që do tazbusë koston e jetesës për prindërit dhe gjyshërit tanë. Ata meritojnë edhe më shumë, dhe me gjithë energjinë tonë do të angazhohemi që të kenë një pleqëri të denjë dhe të rehatshme.
– Sollëm rezultatet e para në luftën kundër bixhozit që ka shkatërruar familjet dhe i ka zhytur ato në borxhe. Edhe përkundër stërkëmbëzave të regjimit te vjetër, kjo luftë do të vazhdojë deri në mbylljen e tërësishme të bixhozit, që përfundimisht ta eliminojmë këtë sëmundje që ka kapluar rininë dhe shoqërinë.
– Kemi siguruar 600 vende pune për specializantët e mjekësisë, 300 sivjet dhe 300 për vitin e ardhshëm. Kyështë një investim për të ardhmen tonë, për të mbajtur talentin dhe për t’i ofruar çdo qytetari të këtij vendi shërbime mjekësore cilësore dhe me kosto tëpërballueshme.
– E inicuam Akademinë Shqiptare për Art dhe Shkencë. Ajo po merr frymë dhe po rritet çdo ditë!
Këto janë vetëm disa nga arritjet tona. Shumë projekte e arritje tjera do të paraqiten në vazhdim nga liderët e Koalicionit VLEN.
Miq të dashur,
Ne jemi vetëm në fillim të një rrugëtimi të gjatë. Por unë besoj se me përkushtimin tonë të përbashkët, ne do të arrijmë të ndërtojmë një shoqëri të drejtë, barazitare dhe të begatë.
Le të bëjmë një premtim sot.
Të angazhohemi për të ndryshuar realitetin tonë për mirë. Çdo zë, çdo mendim, çdo ide, e secilit prej jush është e rëndësishmenë këtë proces.
Të bashkuar, dhe me ndihmë e partnerëve strategjik, do ta bëjmë këtë vend të ec përpara deri në stacionin përfundimtar, të zhvillimt e të integrimit, të barazisë e të drejtësisë.