Tajfuni Jagi përfshin dhe Mianmarin, vret 33 njerëz

Përmbytje të rënda kanë goditur Mianmarin pas tajfunit Jagi, ku ka detyruar më shumë se 230 mijë njerëz të largohen nga shtëpitë e tyre, sipas zyrtarëve.

Junta qeverisëse e vendit ka kërkuar ndihmë për të zbutur ndikimin, raportojnë mediat shtetërore. Kryeqyteti Naypyidaw është ndër zonat më të goditura, transmeton klankosova.tv.

Përmbytjet kanë vrarë të paktën 33 persona, thotë ushtria e vendit. E përditshmja shtetërore New Light of Myanmar thotë se disa kampe të përkohshme ndihmash janë ngritur për viktimat që kanë mbetur të pastrehë.

Stuhia më e fuqishme e Azisë këtë vit, tajfuni Yagi, tashmë ka përfshirë Vietnamin, ishullin kinez Hainan dhe Filipinet.