Gol në “frymën e fundit”, Stones e shpëton Cityn

John Stones ka shënuar gol në minutën e 95-të për fitoren shumë të vështirë të Manchester Cityt ndaj Wolvesit.

Të dielën, kampioni anglez fitoi 2:1.

Jorgen Strand Larsen shënoi gol për 1:0 në të mirë të Wolvesit që në minutën e shtatë të ndeshjes.

Josko Gvardiol barazoi në 1:1 në minutën e 33-të, para se Stones të shënonte me asistim të Phil Foden në minutën e 95-të për 2:1.

City i ka 20 pikë nga tetë ndeshje në Premier League dhe vazhdon garën e fortë për titull.

Wolvesi është vetëm i fundit me një pikë.