Haradinaj: Faji më i madh i Kusari-Lila s’është që ka biseduar me Radoiçiqin, por që e ka bërë fshehtë

Kreu i AAK-së, Ramush Haradinaj ka thënë se nuk është faji më i madh i shefes së Grupit Parlamentar të Lëvizjes Vetëvendosje, Mimoza Kusari-Lilës, biseda me terroristin Milan Radoiçiq.

Sipas tij, faji më i madh i saj është që e ka bërë fshehur, njofton Klankosova.tv.

“Faji më i madh i Kusari-Lila nuk është biseda me të, edhe pse është faj, sepse ai është i ndjekur nga drejtësia e Kosovës dhe në listë të zezë, faji më i madh është që i kanë bërë msheftë këto. Nëse i ka thënë shefi me fol më të, kjo duhet të sqarohet. Edhe çka kanë le t’i qesin, si të vetave si të tjerëve, le të dihet çka ka”, tha Haradinaj në një konferencë para seancës së Kuvendit.