Liqen në mes të shkretëtirës së Saharasë

Pamje dramatike me dron nga Maroku tregojnë palma të përmbytura dhe duna rëre në Shkretëtirën e Saharasë të enjten, pas reshjeve të rralla që goditën rajonin.

Pamjet ajrore të regjistruara në Merzouga, afër Rachidia-s, në juglindje të Marokut, zbulojnë përmasat e përmbytjeve të shkaktuara nga shiu i dendur.

Drejtoria e Përgjithshme e Meteorologjisë së Marokut, përmes një postimi në rrjete sociale, tha se vendi përjetoi një shtator të paqëndrueshëm dhe të lagësht, i shoqëruar nga reshje të dendura. Disa rajone regjistruan më shumë se 200 mm shi brenda 48 orësh, duke sjellë përmbytje të menjëhershme.

Një raport i fundit i OCHA-s tha se gjatë muajve të fundit, reshjet e mëdha kanë shkaktuar më shumë se 1460 viktima në vendet rreth Saharasë. Ngjarje të tilla ekstreme janë të rralla, por mund të bëhen më të shpeshta për shkak të ndryshimeve klimatike.