Shefi i policisë së St. Gallenit shkaktoi aksident, kishte pirë alkool

Shefi i policisë regjionale tüe St. Gallenit ishte aksidentuar pasi kishte vozitur në gjendje të dehur. Autoritetet e mbajtën të fshehtë nivelin e tij të alkoolit për një kohë të gjatë. Tani është e qartë: ai kishte plot 2.05 promilë!

Shefi i policisë në St. Gallen, Valentin Ageler (63 vjeç) qe përfshirë në një autoaksident në gusht dhe ishte nën efektin e alkoolit. Autoritetet e mbajtën të fshehtë vlerën e matur të alkoolit për një kohë të gjatë. Urdhrarresti ndaj tij, i cili është në dispozicion të “Blick”, tani jep qartësi: Aggeler kishte 2.05 promilë alkool në gjak!

Pas drejtimit të makinës së tij në gjendje të dehur, shefi i policisë mori leje mjekësore për arsye personale. Është e qartë që nga e marta se Aggeler nuk do të kthehet më në shërbimin policor.

Kancelaria Shtetërore e Kantonit të St. Gallen konfirmoi vendimin e Aggeler-it për të dalë në pension të parakohshëm. “Departamenti i Sigurisë dhe Drejtësisë mirëpret vendimin e z. Ageler për të marrë pension të parakohshëm në fund të janarit 2025.” Kështu thuhet në njoftimin zyrtar nga Kancelaria e Shtetit./albinfo