Carlo Ancelotti zbulon “gabimin” e tij më të madh te Real Madrid

Carlo Ancelotti ka folur për gabimin më të madh të karrierës së tij te Reali i Madridit. Ai pranoi se mosmarrëveshjet mbi pagën e tij ishin arsyeja që ai nuk arriti të zgjaste kontratën me klubin në 2014.

“Është e pamundur të marrësh vetëm vendimet e duhura gjatë tridhjetë viteve. Për shembull, bëra një gabim këtu në Madrid, pas sezonit tim të parë. Isha shumë pranë vazhdimit të kontratës, klubi donte të më mbante, por unë e shtyva shumë, në lidhje me pagën time, dhe ata ndaluan.

Ishte një gabim, më i madhi që mund të kisha bërë. Por më mësoi shumë”, tha trajneri.

Trajneri italian aktualisht është në detyrën e tij të dytë në klub, pasi u largua nga Real Madrid në 2015 dhe u kthye në 2021. Gjatë kohës së tij në klubin madrilen, Ancelotti e ka udhëhequr ekipin në 14 trofe, duke përfshirë dy tituj të La Ligës dhe tre Champions League.