Dhuna ndaj tifozëve izraelitë pasi grisën flamurin palestinez në Amsterdam (VIDEO)

Dhuna ndaj tifozëve izraelitë pasi grisën flamurin palestinez në Amsterdam (VIDEO)

Dhjetë tifozë izraelitë janë plagosur dhe tre rezultojnë të zhdukur në sulmin ndaj tifozëve të Maccabi Tel Aviv në Amsterdam, që pasoi përfundimin e ndeshjes me Ajax, bëri me dije Ministria e Jashtme e Izraelit.

Sipas raportimeve nga Holanda, disa nga të plagosurit u goditën me thikë, ndërsa të tjerët, për t’i shpëtuar turmës, u hodhën në ujin e kanaleve që rrethojnë Amsterdamin.

Mediat holandeze thonë se shkak për shpërthimin e dhunës është bërë veprimi i izraelitëve të cilët grisën flamujt palestinezë që ishin varur në dritaret e shtëpive.

Nga ana tjetër, tifozët izraelitë kanë ngritur akuza për një sulm të organizuar. Siç pretendojnë ata, policia i ka lënë të përballen me rrezikun të pashoqëruar teksa kanë hipur në trena dhe janë drejtuar në hotelet e tyre.

“Policia holandeze na shiti për t’u linçuar nga arabët”, tha një tifoz pasi mbërriti në aeroportin e Amsterdamit i plagosur dhe i mbuluar me gjak, sipas Jerusalem Post.