Katër humbje në tre muaj, jeta e vështirë e Guardiolës pa Rodrin

Topin e Artë nuk e fitojnë lojtarë të zakonshëm. Dhe ta fitosh nëse nuk ke ngritur lart kupën me veshë të mëdhenj, do të thotë se ke një rëndësi shumë të veçantë në klub apo kombëtare.

Rodri e kishte shënuar një gol vendimtar kundër Interit në finalen e Championsit 2023, por nuk e fitoi Topin e Artë. Pak muaj më parë ngriti Kupën e Evropës si lojtari më i mirë, por humbi kundër Realit të Madridit të Vinicius Jr, Carvajal dhe Bellingham. Një situatë që bëri që Los Blancos të braktisin mbrëmjen gala të Topit të Artë, pavarësisht çmimeve të shumta individuale (dhe ekipore) të fituara. Një “casus belli” me UEFA-n, e cila megjithatë ka pak të bëjë me atë që po ndodh me City-n e Guardiolës.

LEXO EDHE:
Rijkaard ‘ngre në qiell’ lojtarin e Milanit: Mund të bëhet nga më të mirët në botë
Sepse dëmtimi i Rodrit ia hoqi “trurin” e lojës bluve qiellorë. Në tre muaj, që nga 10 gushti, City ka pësuar katër humbje, duke përfshirë tri radhazi, diçka që nuk kishte ndodhur që nga prilli 2018. Për më tepër, Community Shield shkoi te rivalët e Man. United, edhe pse pas goditjeve të penalltive: dëmtimi ishte ndryshe (ai në kofshë), por rezultatet të ngjashme.

Ndeshja kundër Sportingut mund të jetë një alarm zgjimi, jo aq për finalen 4-1, por për mënyrën se si ndodhi. Pas një pjese të parë më se të mirë, e cila megjithatë u mbyll me rezultatin 1-1, skuadra e Guardiolës nuk pati qëndrueshmërinë për të vazhduar lojën, duke pësuar dy gola në pak minuta.

Mund të ndodhë, por është e qartë se Rodri ishte një lloj balancuesi mes të gjithë mesfushorëve sulmues që Guardiola vendos gjithmonë në fushë. Ndoshta është thjesht një rastësi, por rreziku është që do të jetë një sezon jo aq të thjeshtë për City-n.