Në Ankara shënohet Dita e Flamurit Shqiptar

Në Ankara shënohet Dita e Flamurit Shqiptar

Në një pritje solemne, në kryeqytetin turk Ankara u festua “Dita e Flamurit dhe e Pavarësisë së Shqipërisë”, raporton Anadolu.

Në pritjen e organizuar në një hotel në Ankara nga ambasadorja e Shqipërisë Blerta Kadzadej, morën pjesë ministri turk i Rinisë dhe Sporteve, Osman Aşkın Bak, shefi i Shtabit të Përgjithshëm i Türkiyes, Gjeneral Metin Gürak, përfaqësues të misioneve diplomatike që shërbejnë në Ankara dhe shumë të ftuar.

Gençlik ve Spor Bakanı Osman Aşkın Bak, JW Marriott Otel’de yapılan Arnavutluk Milli Günü resepsiyonuna katıldı. Bakan Bak, programın ev sahibi, Arnavutluk’un Ankara Büyükelçisi Blerta Kadzadej ile hatıra fotoğrafı çektirdi. ( Güven Yılmaz – Anadolu Ajansı )

Ngjarja nisi me intonimin e himneve kombëtare të dy vendeve.

Në fjalën e saj, Kadzadej deklaroi se vendi i saj po feston 112-vjetorin e pavarësisë të shpallur më 28 nëntor 1912, duke shtuar se më 29 nëntor, vendi do të përkujtojë po ashtu 80-vjetorin e çlirimit nga nazizmi.

Kadzadej tha se Forcat e Armatosura të Shqipërisë janë “krenaria e vendit të saj” dhe kujtoi se Shqipëria është aleate e NATO-s.

Ajo vuri në dukje rëndësinë e anëtarësimit dhe procesit të integrimit të Shqipërisë në Bashkimin Evropian (BE), duke shtuar se “Synojmë të bëhemi anëtare e plotë e BE-së deri në vitin 2030”.

Arnavutluk Milli Günü resepsiyonu, Arnavutluk’un Ankara Büyükelçisi Blerta Kadzadej ev sahipliğinde, Ankara JW Marriott Otel’de düzenledi. Programın açılış konuşmasını Büyükelçi Kadzadej yaptı. ( Güven Yılmaz – Anadolu Ajansı )

Duke theksuar se Shqipëria ka bërë reforma në bashkëpunim të ngushtë me partnerët e saj strategjikë, Kadzadej u shpreh se vendi i saj është i rëndësishëm edhe për sa i përket turizmit, duke ndarë statistika lidhur me këtë sektor.

– Marrëdhëniet Türkiye-Shqipëri

Duke nënvizuar se Türkiye dhe Shqipëria kanë marrëdhënie diplomatike të kahershme, Kadzadej tha: “Vendet tona janë partnerë strategjikë me dialog politik vazhdimisht produktiv, bashkëpunim dhe dinamika të përgjithshme”.

Ajo theksoi rrjedhën pozitive të marrëdhënieve ekonomike dhe tregtare mes dy vendeve, ndërsa shtoi se Türkiye është partneri i tretë tregtar më i madh i Shqipërisë.

Kadzadej komentoi edhe partneritetin e dy vendeve në sektorin privat dhe theksoi se ka partneritete dhe investime në shumë fusha të rëndësishme.

Duke vënë në dukje se vëllimi tregtar i dy vendeve është rritur ndjeshëm në nëntë muajt e parë të vitit 2024, ambasadorja shqiptare tha se objektivi është të arrihet një vëllim prej 2 miliardë dollarësh.