Një person humbi jetën, ndërsa tre të tjerë u plagosën rëndë në një aksident trafiku në rrugën Kavadar – Rosoman

Një person ka humbur jetën në vendngjarje, ndërsa tre të tjerë janë plagosur rëndë në një aksident trafiku që ka ndodhur sot rreth orës 9 në afërsi të fshatit Ribarci, në rrugën rajonale nga Kavadarci drejt Rosomanit. Këtë informacion e kanë konfirmuar nga Ndihma e Shpejtë në Kavadarci.

“Të tre të plagosurit janë transportuar në spitalin e Kavadarcit,” shtuan nga Ndihma e Shpejtë. Policia e Velesit gjithashtu konfirmoi se në vendngjarje po kryhet hetim, pas aksidentit të ndodhur mes dy automjeteve.