Sanimi i dëmit nga shpërthimi në Ibër Lepenc, Kurti bën disa falënderime

Kryeministri i Kosovës, Albin Kurti, punën për sanimin e dëmit të shkaktuar nga shpërthimi i mbrëmshëm, e ka quajtur të jashtëzakonshme dhe vetëmohuese.

Ai ka falënderuar punëtorët e Ibër Lepencit, KEK-ut, Agjencisë së Menaxhimit të Emergjencave, KRU Prishtinës dhe Policisë së Kosovës, siç u shpreh ai, për zellin dhe profesionalizmin e treguar, përcjell Klankosova.tv.

“Punëtorët dhe zyrtarët e institucioneve tona të shtetit po bëjnë një punë të jashtëzakonshme dhe vetëmohuese në sanimin e dëmit të shkaktuar nga shpërthimi i mbrëmshëm. I falënderoj punëtorët e Ibër Lepencit, KEK-ut, Agjencisë së Menaxhimit të Emergjencave, KRU Prishtinës dhe Policisë së Kosovës, për zellin dhe profesionalizmin që po shfaqin orë pas ore”, ka shkruar Kurti në Facebook.