Senati australian miraton ndalimin e rrjeteve sociale për fëmijët e vegjël
Senati australian ka miratuar të enjten ndalimin e mediave sociale për fëmijët e vegjël, që së shpejti do të bëhet ligji i parë i tillë në botë.
Ligji do t’i dënojë platformat, duke përfshirë TikTok, Facebook, Snapchat, Reddit, X dhe Instagram, me gjoba deri në 50 milionë dollarë australianë për dështimet sistematike për të parandaluar fëmijët më të vegjël se 16 vjeç të mbajnë llogari, raporton AP.
Senati miratoi projektligjin me 34 vota pro dhe 19 kundër.
Dhoma e Përfaqësuesve miratoi të mërkurën me shumicë dërrmuese legjislacionin me 102 vota kundër dhe 13 pro.
Dhoma nuk ka miratuar ende amendamentet e opozitës të bëra në Senat.
Por ky është një formalitet pasi qeveria tashmë ka rënë dakord që t’i miratojnë ato.
Platformat do të kenë një vit kohë për të përpunuar se si mund ta zbatojnë ndalimin përpara se të zbatohen dënimet.
