20 vjet burgim serbit që kreu vrasjet masive

I riu që kreu vrasjen masive në Serbi vitin e kaluar, është dënuar me 20 vjet burgim.

21-vjeçari më 4 maj 2023 hapi zjarr në disa lokacione në dy fshatra jashtë Beogradit dhe vrau njerëzit që ishin në rrugë.

Kjo ndodhi vetëm një ditë pasi një adoleshent kishte marrë armën e babait dhe kishte vrarë nëntë nxënës dhe një roje në një shkollë në Beograd. I dyshuari për këtë rast meqë është i mitur, mbetet në një institucion për shëndetin mendor.

Vrasjet tronditën vendin e mësuar me luftëra e kriza, por jo me raste të tilla vrasjesh masive. Tragjeditë më pas shkaktuan protesta në rrugë, raportoi AP.

Gjatë gjyqit, vrasësi ka thënë se nuk mund të shpjegonte çfarë e nxiti në vrasje.