Atalanta me fitore të vështirë ndaj Empolit, mbetet në krye të tabelës

Atalanta ka shënuar fitore të vështirë ndaj Empolit për të mbetur në krye të tabelës.

Të dielën Atalanta në shtëpi e mposhti Empolin me rezultatin 3:2.

Ndeshja i takoi xhiros së 17-të të Serie A.

Mysafirët kaluan të parët në epërsi në minutën e 13-të me golin që e shënoi Lorenzo Colombo.

Charles De Ketelaere në minutën e 34-t i barazoi shifrat për vendësit.

Shtatë minuta më pas Ademola Lookman shënoi për 2:1.

Sebastiano Esposito në minutën e 56-të i barazoi shifrat në 2:2.

De Ketelaere në minutën e 86-të realizoi sërish për 3:2 e që në fund ishte edhe goli i fitores për Atalantan.

Berat Gjimshiti luajti deri në minutën e 70-të te vendësit.

Ndërsa Ardian Ismajli e kompletoi ndeshjen tek Empoli.

Atalanta mbetet lidere në tabelë me 40 pikë.

Empoli renditet në pozitën e 11-të me 19 pikë.