Çudia e teknologjisë “VAR”, thembra anulon golin!

Gaetano Oristani i Venecias iu anulua goli për shkak të një prej pozitave jashtë loje më të vështira të parë ndonjëherë, në të cilin u gjend shoku i tij i skuadrës që e asistoi më parë.

Venecia mposhti në shtëpi 2:1 Kaliarin dhe me rezultatin 1:0 në pjesën e dytë, Oristanio tundi rrjetën e miqve, por pas ndërhyrjes së VAR-it, goli u anulua për shkak të pozicionit jashtë loje, në të cilin ishte bashkëlojtari i tij Joel Pohjanpalo.

Teknologjia gjysmë automatike jashtë loje tregoi se thembra e këpucës së Pohjanpal ishte prapa mbrojtësit të fundit të Kaliarit, përpara se ai t’ia kalonte topin Oristanit.

Regjistrimi i ‘ngrirë’ zbuloi vetëm se çfarë lloj pozite jashtë loje ishte dhe se fjalë për fjalë nuk mund të vërehet me sy të lirë.

Fatmirësisht për vendasit, mbrojtësi Marin Sverko shënoi golin e dytë për Venecian pak minuta më vonë dhe mysafirët nuk arritën të shmangnin humbjen pavarësisht golit të Leonardo Pavolettit për finalen 2:1.