Donald Trump shpallet “Personi i Vitit” nga revista “Time”

Presidenti i ri i SHBA-së, Donald Trump është shpallur “Personi i Vitit” nga revista ‘Time’.

Siç thekson revista, për 97 vjet, redaktorët e ‘Time’ kanë zgjedhur personin e vitit, personin që më shumë se kushdo tjetër ka formësuar botën dhe titujt e mediave gjatë 12 muajve të fundit.

“Ka shumë vite që kjo zgjedhje ka qenë e vështirë. Në vitin 2024 nuk ishte”, thuhet në botim.

Siç shpjegojnë redaktorët që nga ngritja e tij në 2015 si një pretendent i Shtëpisë së Bardhë, “asnjë person i vetëm nuk ka luajtur një rol më të madh në ndryshimin e rrjedhës së politikës dhe historisë sesa Trump”.

Viti 2024 shënon herën e shtatë radhazi që fituesi i zgjedhjeve presidenciale gjithashtu u shpall ‘Personi i Vitit’.

Trump u emërua ‘Personi i Vitit’ në 2016 pas fitores së tij në zgjedhjet e atij viti. Që nga Jimmy Carter, çdo president ka qenë personi i vitit të paktën një herë. Gerald Ford ishte presidenti i fundit amerikan që nuk u shpall asnjëherë ‘personi i vitit’.