Gjuha shqipe – ligji për përfaqësim të drejtë/ Bexheti sfidon Mickoskin dhe Minçevin

Koordinatori i Frontit Europian, Blerim Bexheti, përmes pyetjeve nga foltorja ka kërkuar përgjigje nga kryeministrin Mickoski se nga ai e dinte paraprakisht se për cilat nene do të flaës Gjykata Kushtetuese dhe e pyeti nëse VMRO-ja pritet ta tërheqë ankesën e sajë në Kushtetuese kundër gjuhës shqipe.

Veç kryeministrit, Bexheti pyeti ministrin e Administratës se kurë pritet që Qeveria ta dorëzojë propozim ligjin e shumë premtuar nga VLEN, për përfaqësim të drejtë në procedurë parlamentare.

“Si kryetar i VMRO-së dhe kryeministër a do ta tërheqni iniciativën deri tek Gjykata Kushtetuese për çështjen, gjegjësisht kontestimin e gjuhëve, në mënyrë të çuditshme, mundohesh t’i ikish përgjigjes. Unë e di se është temë e nxehtë.   – Nëse jeni një qeveri dhe keni qëndrime të përbashkëta. Zv.kryeministri Mexhiti, ministri Taravari edhe koordinatori por flas për pjesën e Qeverisë se kanë deklaruar se jo më së voni se fundi i këtij viti, jemi në vigjilje të festave të fundvitit dmth, kjo është periudha që kolegët tuaj kanë deklaruar se do të miratohet një ligj I tillë dhe më i mirë ku do të rregullon të gjitha këto çështje” – tha Blerim Bexheti, Fronti Europian.

Çështjen e shqipes, Mickoski e lidhi me rezikshmërinë që mund t’i kanoset vendit. Sipas tij, nuk ka rezik për destabilizim, megjithatë thotë se një skenari të tillë, po i fryen BDI-ja dhe Fronti Europian.

“E kuptoj, e di që të njëjtën do ta bëni edhe në të ardhmen, do të polarizoni do të vendosni në qendër të vëmendjes tema mono-etnike, do të tentoni të krijoni konflikt ndër-etnik duke u kapur me më të mëdhejtë dhe ajo është koalicioni Maqedonia Yte, unë ju kuptoj se ashtu dëshironi të funksiononi, besoni se nuk do të keni sukses” – tha Mickoski.

E ministri Minçev nga ana tjetër, duke folur për ligjin për përfaqësim të drejtë tha se po punohet në ligj nga ekspertët dhe i njëjti sipas Minçevit do të dërgohet fillimisht edhe në Komisionin e Venecias.

“Do të jetë zgjidhje e mirë dhe e cila do të përmbushë kategorinë kushtetuese dhe ajo është përfaqësim i drejtë i komuniteteve. Por do të jetë zgjidhje e tillë që do të jetë afatgjate dhe jo e tillë siç edhe e kishit përgatitur ju” – tha Minçev.

Ndryshe, muaj më parë me vendim të gjykatës kushtetuese është ngrirë mekanizmi i “balancesit” dhe është premtuar zgjidhje e re ligjore. Kurse po Gjykata Kushtetuese është në përgatitje e sipër të seancës përgatitore në të cilën do të diskutohet kushtetutshmëria e ligjit të gjuhës shqipe.